Azərbaycan – Özbəkistan tibb günləri

by | Jun 28, 2024 | Xəbərlər

Bu gün, Özbəkistan Respublikası,Əndican şəhərində Özbəkistan Səhiyyə Nazirliyi, Özbəkistan Təcili Tibbi Yardım Elmi Tədqiqat Mərkəzi, Əndican Tibb İnstitutu və Azərbaycan Minimal İnvaziv Cərrahlar Cəmiyyətinin birgə təşkilatçılığı ilə Azərbaycan – Özbəkistan tibb günləri öz işinə başladı. Tədbirin işində Azərbaycandan müxtəlif ixtisas sahibləri olmaqla 8 nəfər dəvətli qonaq qismində iştirak edib. Tədbirin açılışı Əndican vilayəti hakiminin tədbir iştirakçılarına salamının çatdırılması ilə başladı. Bunun ardınca Əndican vilayəti tibb idarəsinin rəhbəri Azizbəy Mirzəcanovun çıxışı ilə davam etdirildi. Azizbəy Mirzəcanov öz çıxışında bu tip tədbirlərin Azərbaycanla Özbəkistan arasında tibb əlaqələrinin inkişafına təkan verəcəyi və Özbəkistanlı mütəxəssislərin gələcəkdə Azərbaycanda müxtəlif ixtisaslar üzrə təhsil alması və ixtisas kursu keçməsinə şərait yaradacaqdır. Onun ardınca çıxış edən Azərbaycan nümayəndə heyətinin rəhbəri, Azərbaycan Minimal İnvaziv Cərrahlar Cəmiyyətinin və Almaz Akademie Tibbi Treninq Mərkəzinin rəhbəri Prof. Qurbanxan Müslümov çıxış edib. Uzun illərdi davam edən Azərbaycan Özbəkistan əlaqələrinin əhəmiyyətindən və bugünki tədbirin bu yönümdə görülən mühüm tədbirlərdən biri olduğunu xüsusi qeyd etdi. Onun ardınca Əndican Vilayət Təcili Tibbi Yardım Elmi Mərkəzinin direktoru prof. Dilşad Hakimov çıxış edərək tədbirin gündəliyi, proqramı haqqında çıxış etdi və onun ardınca tədbir elmi proqramla öz işini davam etdirdi. Prof. Q. Müslümov öz çıxışında “Onkoloji cərrahiyyədə minimal invaziv texnologiyaların yeri və rolu” haqqında ətraflı video məruzə edərək zalda iştirakçıların suallarını cavablandırdı. PhD. Dr. F. Rəfiyev “Revizionel bariatrik cərrahiyyə” haqqında , Dr. İ. İsmalıyov “Rektum xərçəngi cərrahiyyəsində orqan qoruyucu yanaşma” haqqında,, Doc. Dr. T. Rzayev “Post ERCP perforasiyaların diaqnostikası və müalicəsi” , Dr. Z. Azadova “Proktologiyada lazer texnologiyaları” haqqında , Dr. N. Alışev “İnvaziv Onkologiya : Yeni üfüqlər” haqqında, PhD. Dr. H. Həsənova “Qida borusunun xərçəngi xəstələrində yaranan disfagiya simptomunun müalicəsində endoskopik stentləşmə təcrübəmiz” haqqında ətraflı məruzələrlə çıxış...

AZƏRBAYCAN MİNİMAL İNVAZİV CƏRRAHLAR CƏMİYYƏTİNİN 9-12 MAY 2024-CÜ İL TARİXLƏRİNDƏ KEÇİRTDİYİ 1 -Cİ KONQRES

by | May 13, 2024 | Xəbərlər

Əziz dostlar, Dəyərli kolleqalar, 9-12 May 2024-cü il tarixlərində Azərbaycan Minimal İnvaziv Cərrahlar Cəmiyyəti – AMİCC in 1-ci Konqresi baş tutdu. 350 yerli və 150 xarici iştirakçının qatıldığı bu konqresin ən böyük özəlliklərindən biri 4 günlük canlı cərrahiyyə kursunun və ustad dərslərinin keçirilməsi oldu. Əsl marafonu xatırladan canlı cərrahiyyə kursu ( Milli Onkologiya Mərkəzi, M.Topçubaşov ad. Elmi Cərrahiyyə Mərkəzi, Bakı Sağlamlıq Mərkəzi, Abşeron Mərkəzi Xəstəxanası, Mərkəzi Kliniki Xəstəxana, LivBonaDea Hospital, German Hospital və Kraton klinikaları) çərçivəsində 30 xəstə üzərində canlı əməliyyatı icra edilərək konqres zalına translyasiya edilməklə bizim və Azərbaycan cərrahiyyəsinin nəyə qadir olduğunu ortaya qoydu. Konqresin digər özəlliyi 15 ixtisas üzrə tibbi treninq kursları və ustad dərsləri də təşkil edilməsi olmuşdur. Türkiyə Cərrahi Həmşirəliyi dərnəyinin dəstəyi ilə təşkil olunan Cərrahiyyə və Əməliyyatxana Tibb Bacılarının 1. Konqresi çərçivəsində də Azərbaycanın bütün regionlarında gəlmiş 100-dən çox tibb bacısı üçün maraqlı seminarlar və treninq kursları təşkil edilmişdir. Konqresə qardaş Özbəkistandan 100-ə yaxın mütəxəssis qatılması uzun illər ərtzində bu yönümdə gördüyümüz işlərin nəticəsi və Azərbaycanda Minimal İnvaziv Cərrahiyyənin inkişaf göstəricisidir. Konqres Prezidentləri olaraq ilk növbədə bu tədbirin təşkilinə verdikləri dəstəyə görə Azərbaycan Minimal İnvaziv Cərrahlar Cəmiyyətinin İdarə Heyyətinin üzvləri – Əli Allahverdiyev, Zaur Xəlilov, Emil Muxtarov, İlqar İsmayılov, Fərid Rəfiyev, Ağakişi Yəhyayev, Nicat Alışev, Tarverdi Rzayev, bu uğurda xüsusi paylarıı olan Vüqar Behbudov, Natiq Zeynalov, Zöhrə Azadova və Əzizə Əliyevaya dərin təşəkkürümüzü bildiririk. Canlı cərrahiyyə və treyninq kurslarının təşkilində əməyi olan Tapdıq Məmmədov, Həzi Aslanov, Həcər Həsənova, Turan Həsənov, Taleh Bəşirov, Vüsal Göyüşov, Azər Hümmətov, Vüqar Fəttahpur, Mahmud Mahmudov, Niyaməddin Əliyev, Əli Baxşəliyev, İlyas Həsənov, İlkin Haşımov, Cavid Əhmədov, bu əməliyyatların icra edildiyi Milli Onkologiya Mərkəzi, M.Topçubaşov ad. Elmi Cərrahiyyə Mərkəzi, Bakı...

PRE-KONQRES CANLI CƏRRAHİYYƏ

by | May 8, 2024 | Xəbərlər

8 may 2024-cü il tarixdə Azərbaycan Minimal İnvaziv Cərrahlar Cəmiyyətinin 1-ci konqresi çərçivəsində pre-konqres canlı cərrahiyyə kursu baş tutmuşdur. Kurs, Dr. Taryel Ömərov, Dr. Vüqar Yaqublu və Dr. Əli Allahverdiyevin moderatorluğu ilə keçmiş, Abşeron Rayon Mərkəzi Xəstəxanasında Prof. Qurbanxan Müslümov tərəfindən “LAPAROSKOPİK XOLİSİSTEKTOMİYA” və ” LAPAROSKOPİK SUBTOTAL QASTREKTOMİYA” əməliyyatı icra edilmişdir, Dr. İlqar İsmayılov tərəfindən Respublika Diaqnostika Mərkəzində “TOTAL EXTRAPERİTONEAL HERNİORAFİYA” əməliyyatı və Prof. İslam Mahalov tərfindən Bakı Sağlamlıq Mərkəzində “ADİNOMİYOZA GÖRƏ MİOMAEKTOMİYA VƏ TOTAL LAPAROSKOPİK HİSTEREKTOMİYA” əməliyyatı eləcə də, “ÇANAQ DİBİ PROLABSINA GÖRƏ PROLABS CƏRRAHİ ƏMƏLİYYATI” icra edilmişdir. Əməliyyatlar çox maraqla qarşılanmışdır. Sabah konqres öz işini davam...

Azərbaycan Minimal İnvaziv Cərrahlar Cəmiyyətinin 1-ci Konqresi

by | May 3, 2024 | Xəbərlər

     9-12 May 2024-cü il tarixlərində Azərbaycan Minimal İnvaziv Cərrahlar Cəmiyyətinin 1-ci Konqresi, Cərrahiyyə və Əməliyyatxana Tibb Bacılarının 1-ci Konqresi və 10-cu Bakı Beynəlxalq Tibbi Treninq Günləri keçiriləcəkdir. 300 yerli, 150 xarici iştirakçının qatılacağı və 4 gün davam edəcək. Konqresdə 20 xarici və 80-dən çox yerli mütəxəssislərin laparoskopik və bariatrik cərrahiyyə, ginekologiya, urologiya, endoskopiya, invaziv radiologiya və tibb bacılığı üzrə maraqlı məruzələr və panel diskussiyalar təşkil ediləcəkdir. Bununla yanaşı canlı cərrahiyyə kursları çərçivəsində Azərbaycanın ən qabaqcıl 6 klinikasında 20-dən çox canlı cərrahiyyə əməliyyatı icra edilərək konqres zalına translyasiya ediləcəkdır. Eləcə də 200 nəfəriştirakçı üçün 15 ixtisas üzrə tibbi treninq kursları və ustad dərsləri də təşkil ediləcəkdir. Azərbaycanda ilk dəfə Türkiyə Cərrahi Həmşirəliyi dərnəyinin dəstəyi ilə təşkil olunan Tibb Bacıları konqresi çərçivəsində də Azərbaycanın bütün regionlarında gələcək 100-dən çox tibb bacısı üçün maraqlı seminarlar və treninq kursları planlaşdırılmışdır.      Konqress Azərbaycan Respublikası Səhiyyə Nazirliyində Davamlı Tibb Təhsili tədbiri kimi qeydiyyatdan keçmiş və 38 kreditlə dəyərləndirilmişdir.     Tədbirin keçirildiyi yer: Bakı şəhəri, Holiday İnn Oteli     Konqresin açılışı 09 May, 2024-cü il tarixdə saat 10.00-da olacaqdır.     Ətraflı məlumat və qeydiyyat üçün:www.amicc.az     Əlaqə üçün: 00994553428181      TƏŞKİLAT...

AZƏRBAYCANDA BEYNƏLXALQ SƏVİYYƏLİ TİBBİ TRENİNQLƏR KEÇİRİLMİŞDİR

by | Dec 6, 2022 | Xəbərlər

Məlumat verdiyimiz kimi, uzun fasilədən sonra Bakıda Azərbaycan Minimal İnvaziv Cərrahlar Cəmiyyəti tərəfindən Azərbaycan Respublikası Səhiyyə Nazirliyi və TƏBİB-in təşkilatı dəstəyi ilə 1-4 dekabr 2022-ci il tarixlərində növbəti VII Bakı Beynəlxalq Tibbi Treninq Günləri keçirilmişdir. Tədbirin ilk günündə zoom platforması üzərindən Azərbaycanda və regionda nadir mərkəzlərdə edilən unikal cərrahi əməliyyatlar hesab edilən aşırı piylənməyə görə Laparoskopik Sleeve qastrektomiya, düz bağırsağın şişinə görə laparoskopik ön rezeksiyası və mədənin xərçənginə görə Laparoskopik gastrektomiya əməliyyatları canlı olaraq icra edilərək tədbir iştirakçıları üçün translyasiya edilmişdir. Tədbirin 2-ci günü akad. M.A.Topçubaşov adına Elmi Cərrahiyyə Mərkəzində akt zalına birbaşa translasiya ilə daha 3 canlı əməliyyatlar icra edilmiş və Almaniyadan və Türkiyədən gəlmiş aparıcı mütəxəssislər tərəfindən mühazirələr oxunulmuş və aktiv diskussiyalar təşkil edilmişdir. Laparoskopik cərrahiyyənin ağır patalogiyalardan biri olan divertikulitə görə Laparoskopik soltərəfli hemikolektomiya və mədənn selikaltı törəməsinə görə endoskopik mukozektomiya əməliyyatları azərbaycanlı və xarici  mütəxəssislər tərəfindən uğurla icra edilmişdir. Günün ikinci yarısında azərbaycanlı və xarici mütəxəssislərin birgə rəhbərliyi və Bio Litech firmasının təşkiatı dəstəyi ilə Lazer proktologiya üzrə mühazirələr, diskussiyalar və canlı əməliyyatlar da daxil olmaqla ustad dərsləri verilmişdir. Bu master klas çərçivəsində treninq iştirakçıları üçün xüsusi modellər üzərində treyninqlər təşkil edilmiş, hər bir iştirakçının şəxsi iştirakı ilə canlı əməliyyatlar icra edilmişdir. Paralel olaraq Almaz Akademiyası Tibbi Treynionq Mərkəzində Laparoskopik və Ümumi cərrahiyyə, ginekologiya, endoskopiya, radiologiya, ultrasəslə müayinə, reanimasiya, tibb baciları kursu üzrə treyninqlər təşkil edilmişdir. Avropada tibb mütəxəssislərinin öyrədilməsi məqsədilə istifadə edilən müasir proqramla əsasında və xüsusi modellər və mulyajlar üzərində təşkil edilmiş bu treyninqlərdə Azərbaycandan, Özbəkistandan, Tacikistandan və Türkiyədən olmaqla 200 nəfər iştirakçı iştirak etmişdir. Treyninqlərə qatılan iştirakçıların 30 nəfərinin xarici iştirakçı olması Azərbaycanın region ölkələri üçün tibbin inkişafı baxımından artan rolunun göstəricisidir....