Azərbaycan Minimal Invaziv Cərrahlar Cəmiyyəti (AMICC) tərəfindən təşkil olunan konqres bu gün işinə uğurla başlamışdır.

by | Dek 19, 2025 | Xəbərlər

Dəyərli Kolleqalar, Azərbaycan Minimal Invaziv Cərrahlar Cəmiyyəti (AMiCC) tərəfindən təşkil olunan konqres bu gün işinə uğurla başlamışdır. Canlı cərrahiyyə kursu konqres çərçivəsində Olimp Hospitalın akt zalında keçirilir və oradan canlı əməliyyatlar yayımlanır. Konqres iştirakçıları üçün həm yerində izləmə, həm də onlayn izləmə imkanı yaradılmışdır. Bu, peşəkar bilik və təcrübə mübadiləsinin daha geniş auditoriyaya çatdırılmasına şərait yaradır. Tədbirin yüksək səviyyədə təşkil olunduğunu və tibbi yeniliklərin uğurla nümayiş etdirildiyini...

Azərbaycan Minimal İnvaziv Cərrahlar Cəmiyyətinin (AMİCC) növbəti regional konfransı Göyçayda keçirildi.

by | Dek 1, 2025 | Xəbərlər

Azərbaycan Minimal İnvaziv Cərrahiyyə Cəmiyyətinin (AMICC) Minimal Invaziv Cərrahiyyənin aktual istiqamətlərinə həsr olunmuş, Azərbaycan Respublikası Səhiyyə Nazirliyi tərəfindən akkreditasiya edilmiş növbəti yüksək elmi səviyyəli regional konfransı TƏBİB-in dəstəyi ilə Göyçay Rayon Mərkəzi Xəstəxanasında keçirildi. Tədbirdə 100-də çox olmaqla ölkənin müxtəlif tibb müəssisələrindən gəlmiş cərrahlar,ginekoloqlar, uroloqlar, anestezioloq-reanimatoloqlar, endoskopistlər və digər mütəxəssislər iştirak edirdi. Tədbirin açılışında ilk öncə konfransın sədri, t.e.d. Dr. Lor Elnur Əkbərov tədbirin elmi proqramı, sessiyaların strukturu və əsas mövzular haqqında məlumat verərək toplantının məqsədinin region həkimlərinin bilik platformasını genişləndirmək və müasir klinik praktikaya inteqrasiyanı sürətləndirmək olduğunu qeyd etdi. Açılış nitqi ilə çıxış edən AMICC-in prezidenti, professor Qurbanxan Müslimov konfrans iştirakçılarını salamlayaraq minimal invaziv cərrahiyyənin ölkəmizdə sürətlə inkişaf etdiyini, regionlarda bu sahənin peşəkar şəkildə yayılmasının səhiyyə sisteminin strateji prioritetlərindən biri olduğunu vurğuladı. TƏBİB-in icraçı direktorunun müavini Araz Nəsirov və Göyçay Rayon Mərkəzi Xəstəxanasının direktoru Zahir Əliyev bu tip tədbirlərin ölkəmizdə tibbin, xüsusən də minimal-invaziv cərrahiyyənin inkişafında rolundan danışaraq tədbirin işinə uğurlar arzuladılar. Konfransın elmi proqramı laparoskopik, torakoskopik və endoskopik prosedurların müasir protokollarına, əməliyyat dövrünün (preoperativ, intraoperativ, postoperativ) idarəedilməsinə və əməliyyat sonrası klinik nəticələrin optimallaşdırılmasına həsr olunmuş maraqlı çıxışları əhatə edirdi. Müxtəlif Laparoskopik əməliyyatlar zamanı, onkoloji cərrahiyyədə minimal invaziv yanaşmalar, perioperativ analgeziya strategiyaları, ERAS (Enhanced Recovery After Surgery) protokolları və risk əsaslı pasiyent seçimi kimi mövzular geniş müzakirə olundu. Klinik case-study təqdimatları, intraoperativ videomateriallar və komplikasiya idarəetmə nümunələri tədbirə ciddi praktiki dəyər əlavə etdi. Konfransın gedişində tibbi xidmətlərin keyfiyyətinin yüksəldilməsi istiqamətində “Keyfiyyətin idarəolunması”na dair xüsusi sessiya keçirildi. Sessiya çərçivəsində tibbi keyfiyyət standartlarından biri olan Arzuolunmaz halların bildiş sistemi (AHBS) haqqında geniş elmi təqdimat edildi. Həkimlərə bildirildi ki, arzuolunmaz halların şəffaf şəkildə qeydiyyatı xəstə təhlükəsizliyinin əsas komponentidir və klinik nəticələrə,...

Bakı şəhərində Azərbaycan Minimal İnvaziv Cərrahlar Cəmiyyətinin (AMİCC) təşkilatçılığı ilə 8-ci Azərbaycan–Alman–Türk Tibb Konqresi və 13-cü Bakı Beynəlxalq Tibbi Treninq Günləri keçiriləcək.

by | Noy 28, 2025 | Xəbərlər

19–21 dekabr 2025-ci il tarixlərində Bakı şəhərində Azərbaycan Minimal İnvaziv Cərrahlar Cəmiyyətinin (AMİCC) təşkilatçılığı ilə 8-ci Azərbaycan–Alman–Türk Tibb Konqresi və 13-cü Bakı Beynəlxalq Tibbi Treninq Günləri keçiriləcək. Konqres çərçivəsində Cərrahiyyə, Endo-laparoskopiya, Ginekologiya, Urologiya, Radiologiya və Otorinolaringologiya sahələrinə dair plenar iclaslar, elmi çıxışlar, panel müzakirələri, treninqlər və ustad dərsləri təşkil olunacaq. Tədbirin proqramında müxtəlif kliniki hallar, əməliyyat zamanı yaranan çətinliklər və onların həlli yollarının təqdimatı da yer alacaq. İştirakçılara rəsmi sertifikat veriləcək. Tədbirdə iştirak etmək istəyənlər üçün qeydiyyat açıqdır. Ətraflı məlumat: www.amicc.az Qeydiyyat linki: https://docs.google.com/forms/d/e/1FAIpQLSeIgKFbh-GNzUtdzhEEDiiZdrGggFzu4zSeT9f011nDZ5ZK3w/viewform Konfrans proqramı: https://drive.google.com/file/d/1LqAgfokXmrlV3YdJszDn5yXkbUmdXj_n/view Əlaqə nömrələri: (+994 99) 310 32 05 ; (+994 55) 342 81...

Göyçayda Azərbaycan Minimal İnvaziv Cərrahlar Cəmiyyətinin 10-cu Regional Konfransı keçiriləcək

by | Noy 27, 2025 | Xəbərlər

29–30 noyabr 2025-ci il tarixlərində Göyçay şəhərində Azərbaycan Minimal İnvaziv Cərrahlar Cəmiyyətinin (AMİCC) 10-cu Regional Konfransı təşkil olunacaq. Tədbir ölkənin müxtəlif bölgələrindən olan mütəxəssisləri bir araya gətirəcək. Konfrans çərçivəsində Cərrahiyyə, Endo-laparoskopiya, Ginekologiya, Urologiya, Radiologiya və Otorinolaringologiya sahələri üzrə plenar iclaslar, eləcə də müxtəlif mövzularda mühazirələr, çıxışlar, diskussiyalar, treninqlər və ustad dərsləri keçiriləcək. Konfrans iştirakçılarını maraqlı mühazirələr və panel diskussiyalar, treninq və ustad dərsləri, cərrahiyyə, endo-laparoskopiya, ginekologiya, urologiya, pediatriya və otorinolaringologiya üzrə çıxışlar, eləcə də müxtəlif klinik hallar və əməliyyat zamanı yaranan çətinliklərin həlli yolları ilə bağlı mövzular gözləyir. Sonda konfrans iştirakçılarına rəsmi sertifikat təqdim ediləcək. Tədbirdə iştirak etmək istəyənlər üçün qeydiyyat açıqdır. Tədbirin detalları Tarix: 29–30 noyabr 2025 Məkan: Göyçay şəhəri, Azərbaycan Ətraflı məlumat: www.amicc.az Qeydiyyat linki: https://forms.gle/zRBq1tD1NCNLiRYd6 Konfrans proqramı:...

Ümumi məlumat

by | Apr 9, 2025 | Xəbərlər

2025-ci ilin 4–6 aprel tarixlərində Özbəkistanın qədim elmi-mədəni mərkəzi olan Səmərqənd şəhərində keçirilmiş 2-ci Beynəlxalq Avrasiya Tibb Konqresi, Avrasiya coğrafiyasında tibbi bilik, təcrübə və elmi inteqrasiyanın gücləndirilməsi baxımından mühüm mərhələ oldu. Səmərqənd Dövlət Tibb Universitetinin ev sahibliyi ilə baş tutan bu nüfuzlu tədbir, iştirakçı ölkələrin elmi cəmiyyətləri arasında əməkdaşlıq, bilik mübadiləsi və multidissiplinar yanaşmanın təşviqinə həsr olunmuşdu. Konqresin rəsmi açılışında Səmərqənd Dövlət Tibb Universitetinin rektoru professor Jasur Rızayev iştirakçıları salamlayaraq tədbirin yalnız tibbi deyil, eləcə də elmi və strateji tərəfdaşlıq baxımından əhəmiyyətini vurğuladı. Tədbirin təşkilatçı və aparıcı simaları – professor Dursun Buğra, professor Dr. Qurbanxan Müslümova, professor Şükrəddin Güldütuna və Üsküdar Universitetinin rektoru Nevzat Tarhan – öz çıxışlarında Avrasiya məkanında ortaq elmi platformaların yaradılmasının zəruriliyini və tibbin gələcəyində beynəlxalq əməkdaşlığın rolunu xüsusi qeyd etdilər. Konqresin rəsmi hissəsində Fuad Sezgin adına İslam Elmi Araşdırmalar Fondunun mütəvəlli heyətinin üzvü Bilal Ərdoğanın iştirakçılara ünvanladığı videomüraciət səsləndirildi. O, İslam elminin tarixi mirasının qorunması və müasir dövrdə təbliği barədə mühüm fikirlər səsləndirərək bu tədbirin mənəvi və elmi birliyi gücləndirən yönlərini də ön plana çıxardı. Konqres boyunca keçirilən plenar iclaslarda tibbin ən aktual sahələrinə dair elmi çıxışlar təqdim olundu. Sessiyalarda cərrahiyyə, radiologiya, onkologiya, gen terapiyası, süni intellektin tibbdə tətbiqi, transplantasiya, tibbi etika və psixi sağlamlıq kimi mövzularda aparıcı alimlər məruzələrlə çıxış etdilər. Xüsusilə professor Dursun Buğranın sol kolon tıxanmaları ilə bağlı cərrahi dilemmlərə dair çıxışı və professor Andreas Schrayerin radiologiyada süni intellektin rolu ilə bağlı təqdimatı müzakirələrə səbəb oldu. Prof. Feza Karakayalı, Prof. Bilgi Baca, Prof. Davit Lomanto və digər alimlər kolorektal və laparoskopik cərrahiyyə üzrə müasir yanaşmaları paylaşdılar. Diskusiyalar interaktiv şəkildə aparıldı və elmi baxımdan məhsuldar keçdi. Konqresin fərqləndirici cəhətlərindən biri də praktik yönümlü...