21–22 fevral 2026-cı il tarixlərində Qusar Rayon Mərkəzi Xəstəxanasında Azərbaycan Minimal İnvaziv Cərrahlar Cəmiyyətinin (AMİCC) təşkilatçılığı ilə elmi-praktik konfrans keçiriləcəkdir.
Konfrans Səhiyyə Nazirliyi tərəfindən rəsmi şəkildə akkreditasiya olunmuşdur və tədbirdə iştirak edən həkimlərə 14 Davamlı Tibbi Təhsil (DTT) balı təqdim ediləcəkdir.
Tədbirin proqramına plenar iclaslar, panel müzakirələr və praktiki təlimlər daxildir. Konfrans çərçivəsində müasir cərrahiyyənin aktual mövzuları üzrə yerli və xarici mütəxəssislərin elmi məruzələri dinləniləcək, klinik yanaşmalar və praktiki təcrübələr müzakirə olunacaqdır.
Konfransın yekununda kəskin pankreatitin müalicəsi üzrə AMİCC tərəfindən hazırlanmış klinik protokol təqdim ediləcək və iştirakçıların geniş müzakirəsinə çıxarılacaqdır. Sözügedən protokolun klinik praktikada tətbiqi və standartlaşdırılması məsələləri xüsusi diqqət mərkəzində olacaqdır.
Tədbirdə iştirak etmək müvafiq ixtisaslar üzrə fəaliyyət göstərən həkimlər üçün tövsiyə olunur.
Qeydiyyat və əlavə məlumat:
- Konfrasa Qeydiyyat – Link
- Konfransın Proqramı – PDF
- Ödəniş Cədvəli – PDF
- Konfrans Flayer – PDF
- ETŞ-in rəy forması (DTT balı) – PDF
📞 +994 99 310 32 05
🌐 www.amicc.az