Dəyərli kolleqalar,
Azərbaycan Minimal İnvaziv Cərrahlar Cəmiyyəti, Azərbaycan Almaniya Tibbi Əməkdaşlıq Cəmiyyəti və AlmazAcademy Tibbi Treninq Mərkəzi regionlarda minimal invaziv cərrahiyyənin inkişaf etdirilməsi sahəsində TƏBİB-lə birgə əməkdaşlıq çərçivəsində 26 Oktyabr 2024 tarixində Quba şəhərundə növbəti regional konfransını keçirir. Heydər Əliyev Mərkəzi və Quba Rayon Mərkəzi Xəstəxanasında keçirilməsi planlaşdırılan Konfrans çərçivəsində 200 yaxın iştirakçı üçün laparoskopik və bariatrik cərrahiyyə, ginekologiya, urologiya, invaziv endoskopiya və radiologiya sahələrində maraqlı məruzələr, panel müzakirələr və interaktiv diskussiyalar təşkil ediləcəkdir. Eləcə də regionlarda nadir icra edilən bir sıra əməliyyatlar Quba Mərkəzi Xəstəxanasında edilərək canlı olaraq zala iştirakçılar üçün translyasiya ilə müzakirə ediləcəkdir.
Tədbir zamanı gənc cərrahlar, cərrahiyyə və əməliyyatxana tibb bacıları üçün treninülərin də təşkili planlaşdırılır.
Tədbir Azərbaycan Respublikası Səhiyyə Nazirliyi tərəfindən akkreditasiya üçün müraciət edilib və 10 DTT balı ilə dəəyərləndirilməsi gözlənilir.
Konfransda iştirak ödənişsizdir və regionda çalışan kolleqalarımız dəvətlidir.
