Ümumi məlumat

by | Apr 9, 2025 | Xəbərlər

2025-ci ilin 4–6 aprel tarixlərində Özbəkistanın qədim elmi-mədəni mərkəzi olan Səmərqənd şəhərində keçirilmiş 2-ci Beynəlxalq Avrasiya Tibb Konqresi, Avrasiya coğrafiyasında tibbi bilik, təcrübə və elmi inteqrasiyanın gücləndirilməsi baxımından mühüm mərhələ oldu. Səmərqənd Dövlət Tibb Universitetinin ev sahibliyi ilə baş tutan bu nüfuzlu tədbir, iştirakçı ölkələrin elmi cəmiyyətləri arasında əməkdaşlıq, bilik mübadiləsi və multidissiplinar yanaşmanın təşviqinə həsr olunmuşdu. Konqresin rəsmi açılışında Səmərqənd Dövlət Tibb Universitetinin rektoru professor Jasur Rızayev iştirakçıları salamlayaraq tədbirin yalnız tibbi deyil, eləcə də elmi və strateji tərəfdaşlıq baxımından əhəmiyyətini vurğuladı. Tədbirin təşkilatçı və aparıcı simaları – professor Dursun Buğra, professor Dr. Qurbanxan Müslümova, professor Şükrəddin Güldütuna və Üsküdar Universitetinin rektoru Nevzat Tarhan – öz çıxışlarında Avrasiya məkanında ortaq elmi platformaların yaradılmasının zəruriliyini və tibbin gələcəyində beynəlxalq əməkdaşlığın rolunu xüsusi qeyd etdilər. Konqresin rəsmi hissəsində Fuad Sezgin adına İslam Elmi Araşdırmalar Fondunun mütəvəlli heyətinin üzvü Bilal Ərdoğanın iştirakçılara ünvanladığı videomüraciət səsləndirildi. O, İslam elminin tarixi mirasının qorunması və müasir dövrdə təbliği barədə mühüm fikirlər səsləndirərək bu tədbirin mənəvi və elmi birliyi gücləndirən yönlərini də ön plana çıxardı. Konqres boyunca keçirilən plenar iclaslarda tibbin ən aktual sahələrinə dair elmi çıxışlar təqdim olundu. Sessiyalarda cərrahiyyə, radiologiya, onkologiya, gen terapiyası, süni intellektin tibbdə tətbiqi, transplantasiya, tibbi etika və psixi sağlamlıq kimi mövzularda aparıcı alimlər məruzələrlə çıxış etdilər. Xüsusilə professor Dursun Buğranın sol kolon tıxanmaları ilə bağlı cərrahi dilemmlərə dair çıxışı və professor Andreas Schrayerin radiologiyada süni intellektin rolu ilə bağlı təqdimatı müzakirələrə səbəb oldu. Prof. Feza Karakayalı, Prof. Bilgi Baca, Prof. Davit Lomanto və digər alimlər kolorektal və laparoskopik cərrahiyyə üzrə müasir yanaşmaları paylaşdılar. Diskusiyalar interaktiv şəkildə aparıldı və elmi baxımdan məhsuldar keçdi. Konqresin fərqləndirici cəhətlərindən biri də praktik yönümlü...

Azərbaycan Minimal İnvaziv Cərrahlar Cəmiyyətinin 6. Regional Konfransı

by | Mar 16, 2025 | Xəbərlər

Azərbaycan Minimal İnvaziv Cərrahhlar Cəmiyyəti regionlarda minimal invaziv cərrahiyyənin inkişafı üzrə regional konfranslarını davam etdirir. Növbəti regional konfransımız 15 mart 2025-ci ildə Şirvan Şəhər Mərkəzi Xəstəxanasında keçirilmişdir. Azərbaycan Respublikası Səhiyyə Nazirliyi tərəfindən akkreditasiya edilərək 7 kredit balı ilə dəyərlənmiş konfransda  Şirvan və ətraf rayonlardan 150 iştirakçı iştirak etdi. Konfransda həmçinin TƏBİB-in icraçı direktorunun müavini Aras Nəsirov və Şirvan Şəhər Mərkəzi Xəstəxanasının direktoru Pərviz Rüstəmbəyov iştirak edirdi. Azərbaycan Minimal İnvaziv Cərrahlar Cəmiyyətinin prezidenti, professor Qurbanxan Müslümov və vitse-prezident İslam Mahalovun giriş sözləri ilə açıldı. Açılışın ardınca dərhal minimal invaziv cərrahiyyədə daha çox ağırlaşmalar və ondan qorunma yollarına həsr olunmuş çox maraqlı müzakirələr oxunuldu. Professor Qurbaxan Müslümov laparoskopik cərrahiyyədə səhvlər və onlardan qorunma yolları, həmçinin professor İslam Mahalovun əməliyyatdaxili ağırlaşmalar, onların yaranma mexanizmləri haqqında, cərrah-uroloq Vasif İsmayılın giriş  texnikaları zamanı baş verən ağırlaşmalar və onların aradan qaldırılması üsulları haqqında danışdı və  qulaq-burun-boğaz cərrahi Elnur Əkbərov öz məruzəsində qulaq-burun-boğaz cərrahiyyəsində baş verən ağırlaşmalar və onların aradan qaldırılmasından danışdı. Müzakirələrin ardınca 1 saata yaxın davam edən interaktiv müzakirələr aparıldı. Biz çox maraqlı müzakirələr apardıq, sual-cavab sessiyası oldu. Müzakirələrdə regionda çalışan həkimləri maraqlandıran problemlər önə çəkildi və Minimal İnvaziv Cərrahlar Cəmiyyətinin mütəxəssisləri arasında fikir və təcrübə mübadiləsi aparıldı. İclasın dərhal ardınca dərhal sonra isə iki maraqlı canlı cərrahi əməliyyat keçirildi. Xəstəxanaya dərhal daxil olunmuş kəskin daşlı xolisestetə görə laparoskopik xolisestoktomiya edildi və canlı olaraq zala transliyasiya edildi və professor İslam Mahalov tərəfindən yumurtalıq kistasına görə laparoskopik kistektomiya əməliyyatı keçirildi və zala transliyasiya olundu.  Həmçinin ilk dəfə olaraq regionda ətraf rayonlardan gəlmiş tibb bacıları üçün ayrı bir iclas keçirildi və iclas Azərbaycan Minimal İnvaziv Cərrahlar Cəmiyyətinin tibb bacıları dərnəyinin rəhbəri Əzizə Əliyeva tərəfindən idarə olundu....